பிரமிளின் இரண்டு தமிழாக்கக் கவிதைகள்

Your interest is in the bloody loam

But what I'am after

Is the finished product.

'PATERSON'

by WILLIAM CARLOS WILLIAMS

உனது அக்கறை 

விளைநிலத்தின் சேற்றில்தான்

எனக்குத் தேவை 

விளைச்சல்.

‘பேட்டர்ஸன்’ (காவியம்)

வில்லியம் கார்லோஸ் வில்லியம்ஸ்

(1983-1963)

ஆங்கிலக் கவிதை

டி.ஜே. என்ரைட்

உதயமாகிவரும் அரசியல்வாதிக்கு

முட்டைகளை உடைக்காமல்

ஆம்லெட் பண்ண முடியாது

என்று தகவல் தருகிறாய்.

யதார்த்தமான வாதம் - உண்மையும் கூட.

ஆனால்,

எத்தனை முட்டைகள் உடைக்கப்பட்டுள்ளன?

ஏன் இந்தப் பரபரப்பு?

ஆம்லெட்டுகளைச் சாப்பிட்டுக்கொண்டிருப்போர் யார்?

ஆம்லெட்டின் ருசிதான் என்ன?

சமைப்பதை விட

முட்டைகளை உடைப்பதில்

உனக்கு ஏன் இவ்வளவு ருசி?

அடித்து உடைக்கப்பட்டுக்கிடக்கின்றனவே 

அவை, தரையில்

என்ன செய்து கொண்டிருக்கின்றன?

இந்த அழகுகெட்ட பெட்டைக் கோழிகளுக்கு

நீ ஒருவனே சேவலாகிய சங்கதி

எப்படி நடந்தது?

உனது நிலையிலுள்ள 

ஐயா அவர்களுக்கு

இறக்குமதி செய்யப்பட்ட

பழமொழிகளின் உபயோகம் இதுதான்:

உள்ளூர்க் குரல்களை மூச்சடைக்க வைக்கலாம்.

D.J.ENRIGHT

'ENCOUNTER', JULY, 1970

இணை மொழிபெயர்ப்பாளர்:

டேவிட் சந்திரசேகர்.

பிரமின் கவிதைகள்

நன்றி: காலசுப்ரமணியம்

லயம் வெளியீடு